18.6 C
Sri Lanka
Saturday, March 2, 2024
spot_img

පාකිස්තාන මැතිවරණයේ ඡන්ද ගණන් කිරීම තවදුරටත්

පාකිස්තාන මහමැතිවරණයේ ගණන් කිරීමේ කටයුතු තවදුරටත් සිදු කෙරෙමින් පවතිනවා. මුල් ප්‍රතිඵලවලින් පෙන්නුම් කරන්නේ PMLN, PPP සහ PTI අපේක්ෂකයින් සමීප සටනක නිරත වන බවයි.

ජංගම දුරකතන හා සමාජ මාධ්‍ය අත්හිටුවීම මෙන්ම ප්‍රචණ්ඩකාරී ක්‍රියා මධ්‍යයේයි පාකිස්ථාන මහමැතිවරණය ඊයේ (08) පැවැත් වූ අතර  ප්‍රතිඵල නිකුත්වීම ප්‍රමාදවීම හේතුවෙන් එම ක්‍රියාවලිය වේගවත් කරන ලෙස නිලධාරීන්ට උපදෙස් දී තිබෙනවා.

මැතිවරණයට ඉදිරිපත් වීමට නුසුදුස්සෙකු බවට පත් කරමින් හිටපු අගමැති ඉම්රාන් ඛාන් මේ වන විට සිරගත කර සිටිනවා.

ඒ දූෂණ චෝදනා එල්ල කරමිනුයි. ඔහුගේ පක්ෂය පවසන්නේ ප්‍රතිඵල ප්‍රමාදය ඡන්ද කොල්ලයේ සළකුණක් බවයි.

එසේම ඔහුගේ පක්ෂය ඉදිරියෙන් සිටින බව පාකිස්ථාන නිල නොවන ප්‍රතිඵලවලින් පෙනී යන බව විදෙස් මාධ්‍ය වාර්තා කරනවා. මිලියන 128 ක ජනතාවක් පාකිස්ථාන මහමැතිවරණයේ ඡන්දය ප්‍රකාශ කිරීම සදහා ලියාපදිංචි වී සිටියා.

ඉන් අඩක්ම වයස අවුරුදු 35ට අඩු අය වීම විශේෂත්වයක්.

Stay Connected

7,548FansLike
782FollowersFollow
1,240SubscribersSubscribe
- Advertisement -spot_img

Latest Articles